SIROKABLOG

Eskerrik asko Gasteiz!

2011-12-28T19:05:00.004+01:00

Ederra izan zen atzokoa. Gasteizko Geu elkarteak antolatuta eta hiriko taberna mitikoenean, urteko azken kontzertua eskaini genuen.
Parral jendez gainezka eta gu gure kontzertuagatik ote zen harriturik galdezka. Ez genuen espero inolaz ere hainbeste jenderik ezta hain giro ederrik.
Eskerrik asko Geu elkarteko Naroari, gu zaintzen hortik ibiltzeagatik eta egindako argazki ederrengatik, eskerrak ere Parraleko tabernari rockeroei eta nola ez, eskerrik asko hurbildu zineten guztiei. Plazerra izan zen!!!

KAROSIk urteari agur esango dio Gasteizen!

2011-12-15T13:05:00.002+01:00

Karosi birak aurrera darrai eta Olentzerok ekarritako opariak zabaldu eta beraiekin gustura jolastu ondoren Karosi Gasteizera gerturatuko da.
Urteari amaiera ederra emateko, abenduaren 27an kontzertua eskainiko dugu Gasteizko Parral Tabernan Sirokatarrok GEU elkartearen eskutik.
Sekulako hotza egingo duela badakigu, Siberia Gasteiz horrelakoa bait da, baina Parralen giroa berotuko dugula zin egiten dizuegu!!!

Aupa Amurrio!!!

2011-12-11T20:43:00.003+01:00

Eskerrik asko atzo Amurriora gerturatu zineten guztiei!

Amurrioko gazteek Gaztetxearen aldeko jai ederra antolatu zuten eta giro bikaina izan zen Matiasen.

Arratsaldetik hasita skate eta bmx erakustaldia antolatu zuten. Ondoren pala txapelketa herrikoia, Ugaoko gazte asanbladaren Batukadarekin kalejira eta egunari amaiera ona emateko kontzertuak!
Itxaropen zikina, Aske eta Egurra ta Kittorekin batera aritu ginen eskenatoki gainean, matias bete zuen publikoari gerria mugiaraziz.

Gaztetxera bidean...gora Amurrioko gazteria!!!

Kronika LIET

2011-11-22T11:41:00.009+01:00

LIET INTERNATIONAL europako hizkuntza gutxituen jaialdia da. Eurovision alternatiboa ere deitzen diote. Bertan berdin du estiloa, garrantzitsuena hizkuntza da. Soilik hizkuntza gutxituetan abesten duten taldeek har dezakete parte.
Aurten Udinen ospatu da finala. Bertako Euskal Herriaren aldeko taldeko Guidok parte hartzeko gonbidapena bidali zigun MusikHerriako postara. Parte hartzeko baldintza betetzen genuen Sirokatarrok, euskaraz abestea alegia, eta kantuak mail bidez bidali genituen.
Hilabete batzuetara finalistak ginela esan ziguten antolatzaileek mail baten bidez. Finalera heltzen den lehen talde euskalduna.

Herrialde batzuetan kanporaketak egiten dituzte, baina beste hizkuntza batzuk epaimahai batek aukeratuta zuzenean pasatzen dira finalera (gure kasua).
Euskal kantuzale elkartearen asmoa aurrerago EHan kanporaketa egitea litzateke, eta zergatik ez, egunen batean finala ere EHan ospatzea. Beraiek laguntza eskaini ziguten hasieratik. Beraien bitartez lortu dugu Etxepare Institutoak diruz babestea gure bidaia.
Kantuzale Elkarteko pertsona bat ere epaimahaikidea izan da finalean.

Ostiral goizean (goizeko 6retan) hegazkina hartu genuen Sirokatarrok, Aritz teknikaria eta Peloto kamararekin. Bilbo-Frankfurt-Venecia.
Aireportuan Pietro jauna, Truc taldeko gitarjolea, gure zain furgoneta haundi batekin. Eguerdi partean heldu ginen Finala ospatuko zen antzerkira. Bilera bat talde guztiekin planning-a azaltzeko. 3retatik aurrera talde bakoitzak soinu froga egiteko aukera. Dena oso profesionala. ordutegiak, eskenatokia, ekipoa, teknikariak, antolatzaileak. Ikaragarria! (benetan…oso ondo antolatua). Skama la Rede talde Asturiarra ezagutzen dugu Oso jatorrak. (Asturiasko gobernua LIET jaialdiaren babeslea da, asturiasko gobernuko hizkuntza arduraduna han egon zen. Irrati libre bat bebai, dena grabatzeko, elkarrizketak egiteko…).

Zerbait azkar bazkaldu eta soinu frogara joan ginen. Dena ondo. Soinu ia perfektua eskenatoki barruan.
Soinu frogaren amaieran agertu zitzaigun Guido, bere burua aurkeztu eta CAS*AUPAra ( gau horretan kontzertua eskaini behar genuen lokalera) joan behar ginela azaldu zigun. Hoteletik pasatu, dutxa bat hartu, zerbait jan eta CAS*AUPAra goaz.

CAS*AUPA lokal haundi bat da, bulegoak, areto haundi bat kontzertuetarako, sukaldea, barra, futbolina eta kultura alternatiboaren inguruko afitxa eta informazio ugari. Gau horretan Euskal Preso politikoekin elkartasun jaialdia antolatuta dago han. Truc eta Siroka eskenatokian. Afari eder veganoaren ondoren, RockParty! EHren aldeko elkartasun denda, Cd eta Viniloen beste postu bat…giro ederra, elkartasuna eta rockandrolla!Gaueko 3retan inguru heltzen gara hotelera eta goizeko 9etan geratuta geunden Onde Furlane irratira joateko.

Pietro gure gidaria puntual agertzen da larunbat goizean furgonetarekin. Irratira eramaten gaitu eta bertan daukagu irratiko jendea zain elkarizketa egiteko. Gitarra eta guzti daukate bertan kantu bat akustikoan jo dezagun. Maria eta Ekaitzek hartzen dute hitza irratian. Telebista lokal bat ere gure zain dago elkarrizketa egiteko eta gure irudiak grabatzeko. Ordu horretan ere Euskadi Irratikoek deitzen dute mugikorrera elkarrizketa bat egiteko amarauna saiorako. Mariak erantzuten die galderei.

Irratitik atera eta bi taldetan banatzen gara. Ekaitzek Euskal kantuzale elkarteko kideak eman behar duen hitzaldian parte hartuko du euskal kantu tipiko batzuk gitarraz joz. Aritz doa berarekin. Besteok prentsaurreko batetara joan behar gara, LIETekoek antolatuta. Berandu heltzen gara (ke raro), jada bukatuta dagoenean, baina bertan dauden kazetariek galdera batzuk egiten dizkigute, grabaketak, argazkiak…Mariak hartzen du hitza. Pepo eta biok argazkietarako posatzen…jeje.

Egun horretan Friuliko janari tipikoa daukagu jateko jantokiko bufettean. Skama La Redeko lagunein bazkaltzen dugu barre algaren artean. Arratsaldeko 3retan entsegu orokorra daukagu. Jaialdian egingo den dana egiten dugu. Dena ongi ateratzen da. Urduritasuna jada nabari daiteke entsegua besterik ez den arren…
5etan inguru bukatu eta Udine ikusteko tarte bat hartzen dugu batzuk, beste batzuk hotelean deskantsu bat hartzen duten bitartean. Gazta tipikoa erosi, ardo txuria, txokolatea…Udineko berezitasunak. Oso hiri lasaia dirudi.

20.45etan Antzerkian egon behar ginen berriz. Dotore jantzi, ordutegia birpasatu, tresnak afinatu, ahotsa berotu…7.ak ginen eskenatokira urteteko. Nerbixuak (esango luke EH sukarrak). 9etarako antzerkia beteta dago jada. 21.30etan ateratzen dira aurkezleak puntual. Taldeak banan banan gure kantua jotzen goaz. Tarteetan talde bakoitzari elkarrizketa. Bukatzeko 20 minututako deskantsua epaimahaiak erabaki dezan eta publikoak bere bozka eman dezan. Esaten digute internet bidezko bozka oso txarto doala, web orria erortzen dalako…pena!

Bitartean antzerkiaren Hall-ean hip hop emanaldia antolatu dute. Breakdance, raperoak…jende guztia bertan, antzerkiko barraren inguruan eta eskenatokiarekin alai. Taldeetako partaideok urduri. Eskenatokira deitzen gaituzte denoi. Publikoaren saria CofeeShock Company taldearentzat. Banan banan epaimahaikideak ateratzen dira beraien puntuak ematera mikro aurrean. Azkenean Janna Eijerrek irabazten du. Siroka 5. lekuan geratzen gara.

Jaialdiaren ondoren jantokian jai bat antolatu digute. Traguak, soinu ekipo bat eta musikatresnak erabil ditzagun. Ekaitz eta biok ere animatu egiten gara euskal kantu tipiko batzuk jotzera. Gure italiar bideia amaitzear da…nekea nabaritzen da gure aurpegietan. Taldekideok hotelera goaz, teknikari eta kamera juergazaleak dira eta ez omen daude ain nekatuta…

Goizean, dena bildu, maletak kargatu, gozari goxoa hartu eta 12etan aireportura eramaten gaituzte furgoneta batean.
Behelainoa. hegazkinen atzerapenak, kriston ilarak aireportuan…baina beno…zer egingo diogu, horrelakoa da musikariaren bizitza...
Bidai ahaztezina! Bueltatuko gara!!!

Galizako O Varal aldizkarian elkarrizketa

2011-11-17T15:54:00.002+01:00

SIROKA, A BANDA VASCOFONA TOMA FO RZA CO LICOR CAFÉ DA LNB PARA INVADIR DE PODEROSO LUME EUSKALDÚN O LIET INTERNACIONAL DISTE 19n EN UDIN!!

Elkarrizketa egin digute O Varal aldizkari galizarran. Osorik irakurri nahi baduzue, HEMEN egin dezakezue.

LIET INTERNATIONAL 2011

2011-11-15T01:01:00.006+01:00

Dakizuenez SIROKAtarrok LIET INTERNATIONAL jaialdiaren hamar finalisten artean geratu gara aurten. Ostiral honetan bidai oso berezia egingo dugu finala ospatuko den lekura: Udinera
Gurekin batera, Aritz (gure soinu teknikaria) eta Peloto (Argazki eta bideolaria) etorriko dira.
Ostiralean goizeko 6retan inguru aterako gara Loiutik Udinerako bidean. Bertara heltzean gure esperoan egongo dira antolakuntzakoak gu hotelera eramateko.

Komentatu digute asteburuan zehar bertako telebista kate bateko kamerek jarraitu egingo gaituztela gure LIETeko esperientzia osoa jasotzeko eta gure herriaren eta hizkuntzaren inguruan sakontzeko...zelako estresa!

Arratsaldean LIET festibalerako soinu frogak egiteko tartea izango dugu eta jarraian (eta presaka) CAS*AUPA lokalera gerturatuko gara 21.30etatik aurrera kontzertua eskaintzera TRÙC taldearekin batera. Guidori (Euskal Herriaren lagunak) eskerrak kontzertu hau lortzeagatik. CD bat sinatuta zor diogu (gutxienez!)!

Larunbat goizean, LIET INTERNATIONALekoek elkarrizketa bat lotu omen digute RADIO ONDE FURLANE irratian. Elkarrizketarekin batera kantu batzuk akustikoan joko ditugu eta zuzenean, streaming bidez entzun ahal izango duzue bai irratiaren web orrian eta (saiatuko gara) gurean ere. Ordu honetarako urduritasunak nabarmentzen hasiko dira...Orduak besterik ez dira faltako final haundirako!

Bazkalostean berriro LIET INTERNATIONAL finala ospatuko den antzokira joan eta ahalik eta hobekien egiten saiatuko gara, Euskal Herriaren eta euskararen izenek ere, bere lekua har dezaten festibal honetan.

Kaka Zaharra opa diezaguzue!!!

2011-11-03T18:55:00.005+01:00

Gero eta berri gehiago jasotzen ari gara Udinetik. LIET international jaialdian arituko gara dakizuenez azaroaren 19an Udinen eta enteratzen garen gauza guztietaz informatzen joango gara gure blogean.
Oraingoz parte hartzen dugun talde guztien zerrenda pasatu digute kartel eta guzti eta bakoitzak joko dugun kantua ere entzun daiteke LIETen web orrian.

Aurreratzea ere ostiralerako (18rako) jada kontzertu bat lotu digutela Euskal Herriarekiko elkartasun taldekoek eta larunbat goizerako LIETeko antolatzaileek elkarrizketa bat lotu digutela bertako irratiren batean.

Egun hauetan zehar berri zehatzagoak emango dizkizuegu. Egon adi!!!

Eskerrik asko Baigorri!

2011-10-30T17:37:00.000+01:00

Eskerrik asko Baigorriko Basaizea kultur elkarteari atzoko kontzertuagatik, afariagatik, gozariagatik etabar luze bategatik!!! Eskerrik asko ere Sermonds eta Zaparrada taldeei! Bidean topatuko gara!!! Laister arte!!!

OSTIRALEAN KAROSI BAIGORRIRA DOA!!!

2011-10-26T12:26:00.000+02:00

SIROKA "Maneras de Vivir" eta "TodoRock" weborrietan

2011-10-10T10:36:00.004+02:00

Aste honetan, gure bideoklip berriaren aurkezpena dela eta (4 egunetan 1000 sarreratara heldu da), atzerriko zenbait musika portal adituetan bideo eta taldearen notiziak agertu dira.
Besteak beste Maneras de Vivir eta TodoRock web orrietan bideo berriaren notizia atera dute.

Gure Madrileko lagun den Felix Rodriguezen esku ikusezina nabaritzen dugu hortik...Thanks Felix!

HI VASCOFONA! BIDEOKLIPA!!!

2011-10-06T21:24:00.004+02:00

Hemen daukazue hainbeste denbora, hainbeste lan eta esfortzu kostatu zaigun bideoklipa!
Eskerrik asko parte hartu duzuen lagun guztiei eta nola edo ala bideoklipa aurrera ateratzea posible egin duzuen guztiei, bereziki Eriz Perez-i klipa nahasteagatik!

Bideoklip berriaren aurkezpena!!!

2011-10-05T23:42:00.003+02:00

Gaur, urriaren 6an, osteguna, gure bideoklip berriaren aurkezpen mundiala eta esklusiban egingo dugu Hamaika telebistan!
Gaueko 9etatik aurrera, Hamaika Telebistako "Bat eta Bat" saioan, lagunen artean egindako bideoklipa ikusteko aukera izango duzue.
Hamaika Telebistako ikusleentzat esklusiban!!!

Eskerrik asko gure partetik bideo egiten lagundu diguzuen guztiei.

Eskerrik asko OSATE!!!

2011-09-22T22:49:00.004+02:00

Zopilotesekoak hasi zuten egun horretako parranda. Patxarana eta garagardoa eskenatokian non nahi. Rantxerak hasi bezain pronto kubatak ere bete zuten eskenatokia alkoholez. Nafarrek gogor kantatzen zuten gringo espainiarren aurka. Amodioa, juerga eta borroka!!! Ajuaaaa!!!
Gure trasteak eskenatoki atzean jarri bezain pronto Zaraitzuko gazteek pua eta baketa eske hasi zitzaizkigun...Kontzertu amaierarako bueltatu beharko dira. Errepertorio osoa ordu betean, indarrez eta gogoz jo genuen. Pozgarria izan zen lehen lerroetan gure kantu danak zekizkien jendea ikusteak. Argazkiko Nerea Garciak bezala, lehen lerroetan dena eman zuela...Gogoratu Nerea, hurrengoan argazki kamera pila berriekin eraman!!!
Ondoren, Vendettakoek ondoen egiten dakitena egin zuten. Beraien ska alaiarekin jende guztia dantzan jarri zuten! Gau ederra!!!
Eskerrik asko beraz Osate kanpineko lagunei, eskerrak ere otsagi eta bailara osoko jendeari, Zopiloteseko jendeari (Konejo, keremos conocer tu rancho!!!), Vendettako jendeari, Arakamari eta soinu ekipoko jendeari, Txetxo handiari (kutxa magiko arriskutsua...) eta nola ez kontzertuan egon zineten guztiei!!!

Hurrengo geltokira!!!

2011-09-11T23:13:00.002+02:00

Ederki pasatu genuen ostiralean Ugaon. Goioren kolaborazio berezia izan genuen gitarrarekin, eta kontzertu polita izan zen. Eskerrik asko kamisetak eta Cdak erostera gerturatu zineten guztiei. Zuek ere Siroka familia zarete!

Hurrengo geltokia Otsagabian izango dugu. Otsagiko kanpineko lagunek kanpineko jaira gonbidatu gaituzte. Bertan Los Zopilotes Txirriaus eta Vendettarekin batera arituko gara arratsaldeko 20.30etatik aurrera.
Datorren zapaturarte!!!

Irunberritik Ugaora...Siroka rules!

2011-09-05T23:33:00.002+02:00

Lehenik eta behin eskerrik asko Irunberriko antolatzaileei eta kontzertura hurbildu zineten guztiei!!!

Aste honetan kontzertu berri bat daukagu gure agendan. Ugaora, Gorkaren herrira, joango gara Zea Mays eta Obrint Pasekin batera emanaldia eskaintzera. Gaueko 23.00etatik aurrera, Gernikako Enparantzan!!!
ETOR ZAITEZTE!!!

Karosi Irunberriko jaietan!

2011-08-30T11:03:00.006+02:00

Aste nagusia atzean utzita Karosi bira 2011 aurrera darrai!!! Larunbat honetan Irunberriko jaietan egongo gara!
Gurekin batera Rock'n'litro eta Los Magras taldeak arituko dira taulagainean, gaua alaitzeko asmoarekin.

Beraz badakizue, pasa zaitezte Karosi ezagutzera!!!

ESKERRIK ASKO!!!

2011-08-24T22:15:00.008+02:00

KASKAGORRI konpartsari lehenik eta behin gugan pentsatzeagatik eta emandako tratu onarengatik esker bereziak.

Mikel Etxaburu, Jone Uria, Ibon (Itziarren semeak) , Ibon, Rayco eta Aitor (Norte Apache) , Iraitz (Kloratita), Olatz (Izargi ), Endika (121krew), Ciro eta Peloto (Tiki Lou Produktions), Bad Sound Systemeko lagunei...ESKERRRIK ASKO ATZOKO KONTZERTUA POSIBLE EGITEAGATIK eta kontzertua ikustera eta gozatzera hurbildu zineten guztiei....MILESKER!

Hemen entzungai kontzertuko une berezietako bat: Iraitz Kloratita "Gazte eta errebelde" kantua abesten:

Karosi meets Asterix eta Obelix!!!

2011-08-22T13:36:00.004+02:00

Orain dela hilabete pare bat Asterix eta Obelixek sinatutako mail bat jaso genuen. Beraiekin batera edabe magikoa edan eta erromatarrek gazteriaren aurka daukaten jarrerari aurre egiteko jaialdi ederra prestatzera gonbidatu gintuzten. Guk ezin ezetzik eman eta zenbait lagunekin batera kontzertu berezia prestatu dugu.
Beraz, badakizue, anima zaitezte gurekin batera Kaskatorreta defendatzera!!!
BIHAR, ABUZTUAK 23, KASKATORRETAN, gaueko 23.00etatik aurrera.

Gaur...ZUMAIA!!!

2011-08-20T11:03:00.005+02:00

Zumaiako Gazte Eguna ospatzen da gaur eta Marianitoz Blai taldearekin batera eskainiko dugu kontzertua gaueko 22.30etatik aurrera!!!

Hala ere, goizeko 12etatik aurrera hasiko da bizi poteoa herriko kaleetatik zehar.
14.30eta Bazkari herrikoi goxo batetaz gozatu ahal izango dugu eta ondoren denontzako jolas dibertigarriak burutuko dira kontzertua hasi aurretik.

Anima zaitezte, sentitu, pentsatu, ekin, denok elkarrekin!!!

Hurrengo geltokia...ZUMAIA!!!

2011-08-14T13:01:00.002+02:00

Donibane Garaziko jaietan kontzertua eman ondoren, datorren asteburuan Zumaiako Gazte Egunean arituko gara. Larunbatean beraz, abuztuaren 20a, anima zaitezte Zumaiako Gazte Mugimenduak antolatutako Gazte Egunera!!!

DONIBANE GARAZIKO BESTAK!

2011-08-09T15:14:00.003+02:00

Lehen aldiz igaroko du inposatutako muga KAROSI gazteak. Ostiral honetan, Donibane Garaziko jaiak direla eta, KALAKA ostatu aurrean eskainiko dugu kontzertua.
Karosi diska Euskal Herri osotik aurkezten jarraitzen dugu. Zure herrian izan nahi bagaituzue jar zaitezte gurekin harremanetan.

ESKERRIK ASKO SODUPE!

2011-08-06T13:05:00.002+02:00

Ikaragarria atzo Enkarterrietako herri honetan bizi izan genuena!
Eskerrik asko gerturatu zineten guztiei eta batez ere gurekin batera lehen lerroetan abesten eta dantzatzen ibili zineten guztiei!!!
Eskerrik asko ere Sodupeko jai batzordeari gutaz oroitzeagatik. Plazerra izan da!!!

Abuztua kontzertuz beterik dator!
Datorren ostiralean Donibane Garaziko jaietan joko dugu, Kalaka ostatuaren atarian.
Informazio gehiago nahi baduzue sar zaitezte gure kontzertuen atalean!

Ondo izan!

KAROSI BIRA 2011 AURRERA DARRAI!

2011-08-01T22:13:00.003+02:00

Uztaila atzean utzita, LIET INTERATIONALeko berri ona jaso ondoren eta entsegu lokalean buru belarri zuzenekoak prestatzen ibili ondoren, biraren hurrengo kontzertuari aurre egiteko garaia heltzear da.

Ostiral honetan, abuztuak 5, Sodupeko jaietan eskainiko dugu kontzertua gaueko 23.00etatik aurrera, Vendetta taldearekin batera.

Ondoren Tximeleta taldearen erromeriaz gozatu ahal izago duzue. Han espero zaituztegu!!!

LIET INTERNATIONAL 2011ko FINALISTAK

2011-07-20T13:16:00.008+02:00

SIROKArekin batera hauek dira Liet International 2011ko finalean arituko diren taldeak:

Noid : Petrozavodsk/Petroskoi-koa (Karelia Errepublikako hiriburua). Vepsiaeraz abesten dute (hizkuntz ugro-finlandarra, finlandarra eta hungariarraren familiakoa).
The Silent Woo Goore : Udmurtieraz abesten du, Udmurtia Errepublikako hizkuntza.
Manam : Eskoziako taldea da eta Eskoziako gaelikoz abesten dute.
Aoife Scott kantaria: Mary Black abeslari Irlandar famatuaren iloba da. Dublingoa da eta irlanderaz abesten du. Gaur egungo Irlandar musikaren talentu handienetarikotzat hartzen da.
Skama La Rede : Asturieseko taldea da eta bablea da beraien hizkuntza
Rollfa : Norvegiako " Sámi Grand Prix" jaialdian aukeratu zuten finalista.
Janna Eijer : Frisian song festival jaialdian aukeratu zuten finalista.

Beste 3 finalista hautatzeke daude oraindik:

bi finalista Grisons eskualdean (Suitzan) egingo den Suns jaialditik aterako dira eta azkena Faroe Irletan egingo den bertako jaialdiaren lehenengo ediziotik.

FINALISTAK GARA!!!

2011-07-14T16:04:00.008+02:00

SIROKA, LIET INTERNATIONAL 2011ko festibalean finalista suertatu da Europa osoko 40 talde baino gehiagoren artean!!!

Aurten 8. edizioa egingo dute Udinen . Udine Friuli eskualdean dago kokatua eta Friuleraz hitz egiten da . Aurtengo zita azaroaren 19an izango da.

Zer da Liet International festibala?

Liet International 2002an sortu zen hizkuntza gutxituan (minorizatuan) abesten zuten Europako musika talde zein bakarlari “modernoak” biltzeko intentzioarekin.

Eurovision festibaleko alternatiba bat izatera heldu da 9 urte hauetan, izan ere, ingelesez abestea debekaturik dago.

Liet International Frisiera foundazioak (Frisiera hizkuntza bat da: http://eu.wikipedia.org/wiki/Frisiera ) antolatzen du. Europa mailako festibala da eta lehiaketa formatua du.

Asteburu ederra!!!

2011-07-04T12:01:00.004+02:00

Larunbat arratsaldean furgoa kargatu eta nafar pirinioetako Ezkarotz herrira habiatu ginen. Paisai ederrak, herrixka ederragoa eta jende ezin baino atseginagoa!
Oso ongi tratatu gintuzten Txetxo eta Enekok. Heldu eta kanpingean gure logela izango zena erakutsi ziguten. Handik afaltzera herriko tabernetako batean eta ondoren kontzertu indartsua emateko aukera izan genuen. Beraz, Eskerrik asko!!!
Gure ondoren jo zuen orkestrarekin dantzatzeko eta barre batzuk egin genituen eta ondoren lotara.
Atzo Euskal Herria Zuzenean jaialdira gerturatu ginen amaigabeko bidai baten ostean. Han, Banda Batxokiko lagunak ikusi ahal izan genituen eta ondoren Norte Apachek kontzertu bikaina eskaini zuen eskenatoki ertainean. Gainera, ikustera heldu ez ginen arren 121 krew eta Skatukoak ere aritu ziren musika dosi potente bat eskainiz. Musika askea badoa bere lekutxoa egiten musika panoraman...Herriaren musika, musikaren herria!!!

SIROKA NAFAR PIRINIOETAN!

2011-06-29T11:08:00.003+02:00

Asteburu honetan Ezkarozen egongo gara Zaraitzuko Ibarreko jaietan.
Bertan gure emanaldia 22.00etan inguru eskainiko dugu.
Hurrengo egunean EHZko azken kontzertuetaz gozatzera joango gara. Igandean Heletan MusikHerriako 121 Krew, Skatu eta Banda Batxoki taldeak arituko dira elkarteen eskenatokian eta Norte Apatxe eskenatoki ertainean arituko da.

2011-06-21T18:20:00.004+02:00

Gaur, Ekainaren 21a, SIROKA taldeak Eitb-ko ARRATSALDERO saioan eskaini behar zuen elkarrizketa zentsuratu du saio honetako zuzendariak. Talde honetako partaideei soinean jarrita zeramatzaten "euskal presoak euskal herrira" txapa kentzea eskatu diete eta haiek ezezkoa eman ondoren, programa uzteko gonbitea jaso dute.

SIROKA taldeak EiTBren jarrera faxista zalatu nahi du lehenik eta behin. Horrelako jarrerak, ezagun egiten zaizkigun arren, iraganeko gauza izatera pasatzea gustatuko litzaiguke.

Bestalde, hainbatetan egin dugun moduan, bai publiko zein pribatuan, euskal preso, iheslari eta errefuxiatuen eskubideak errespetatzearekiko gure konpromezu tinkoa azaldu nahi dugu.

KAROSI ETB1en!

2011-06-21T10:47:00.003+02:00

Pasa den ostiralean Balmasedan kontzertu ederra eskaini ondoren, hurrengo asteburuan, lan arazoak direla eta ez dugu kontzerturik emango.
Bitartean, gaur, asteartea, Maria eta Ekaitz, Estitxu Fernandez eta Oihan Vegak aurkezten duten Arratsaldero saioan elkarrizketatuko dituzte eta zuzenean, modu akustikoan, kantu bat joko dute.
Beraz, badakizue, 15.00etatik aurrera ETB1en Karosi gure bigarren diskoko kanturen baten bertsio akustikoa entzun ahal izango duzue.

Muga zaindariei bisita egitera goaz!

2011-06-16T16:22:00.005+02:00

Ostiral honetan Enkarterrietara goaz, Mariaren herrira hain zuzen ere, Balmasedara.
Herriko tabernan eskeiniko dugu kontzertua 22:00etatik aurrera.
Animatu zaitezte eta etorri gurekin !!!

SIROKA eta FEOS PERO MAJOSen oharra IGORREn gertatutakoaren inguruan

2011-06-15T11:22:00.004+02:00

Pasa den astean Feos Pero Majos eta Sirokak Igorreko kontzertua bertan behera utzi behar izan genuen eta gertatutakoaren inguruan TESTU HAU osatu dugu.

Egin dezagun bidea!!!

2011-06-14T17:51:00.004+02:00

Asteburu gazi goxoa izan da.
Igorreko kontzertua bertan behera utzi behar izan genuen (hurrengo egunetan ohar bat kaleratuko dugu gertatutakoaren berri emateko) eta barkamenak eskatu nahi dizkizuegu gu ikustera hurbildu zineten guztiei.
Igandean aldiz, presoen eskubideen aldeko urrats gehiago emateko prest, ehundaka pertsona bildu ginen Guggenheimetik atera zen manifestaldian, eta arratsaldean, beste talde askorekin batera 3 kantu jotzeko aukera izan genuen, beraien alde, bihotzetatik zintzilik daramatzagulako...

Bideo by Peloto.

Eskerrik asko Leioa!!!

2011-06-11T13:00:00.002+02:00

Kontzertu ederra atzo bizi izan genuena. Beñat izan genuen soinu ekipoaren arduradun eta lan ederra egin zuen. Oso gustora aritu ginen eta soinu potentea ateratzea lortu zuen.
Publikoaren aldetik...nekaezinak dira leioaztarrak! Bi aldiz atera behar izan ginen berriz ere agertokira beraiek eskatuta. Atera izan ez bagina ez dakigu zertarako kapaz izango ziren...karkar...
Oso gustora jotzen, afari ederra ondoren eta giro ezin hobea.

Gaur aldiz Ugaora joango gara arratsaldean atzoko postean esan bezala bi gazteren omenaldian parte hartzeko. Handik Igorreko jaietarako bidea hartu eta 8retan soinu froga daukagu.
22.00etatik aurrera Siroka, Feos Pero Majos eta El Ultimo Ke Zierre taldeetaz gozatzeko aukera izango duzue!
Gero arte!!!

Asteburu luzea dator!!!

2011-06-09T07:14:00.008+02:00

Geure agendan iragarri bezala, asteburu hau kontzertuz beterik dator.

Ostiralean furgoneta kargatu eta Leioara abiatuko gara Kurkudi tabernako gure jarraitzaile sutsuei gure bigarren diska, KAROSI, zuzenean aurkezteko. Errepresioaren kontrako kontzertu honetara gonbidatzen zaituztegu beraz, ostiralean 22.00etatik aurrera.

Larunbatean, Igorreruntz joan baino lehen geldialditxo bat egingo dugu Ugaon kontzertu oso berezi batean parte hartzeko. Urte bat pasa da herriko gazte batek, Jonek, bizia galdu zuela Igorreko jaietan auto batek harrapatu zuenean. Urte bat baino gehiago ere herriko beste gazte batek, Jon izena ere zuena, lan istripuan bizia galdu zuela.

Herriko gazteek beraien omenez egun osoko egitaraua prestatu dute futbito partiduekin, bazkaria eta ondoren zenbait taldek kontzertua eskainiko dugularik.

Ugaotik Igorrera joango gara azkar batean Feos Pero Majoseko lagunekin, herriko jaien egitarauaren barruan gau horretarako antolatu duten kontzerturako. Gurekin batera, FPMez gain, ere El Ultimo Ke Zierre taldea arituko da.

Igandean aldiz eguerdiko 12.30etan EGIN DEZAGUN BIDEA ekimenak antolatutako Guggenheim museotik abiatuko den manifestaldian parte hartuko dugu. Ondoren egun guztiko ekitaldi bereziaren barnean beste hainbat talderekin batera arituko gara Bilboko Etxebarria Parkean.

1512an konkistatuak...2012an bizirik!!!

2011-06-06T14:56:00.003+02:00

Asteburu zoragarria pasatu dugu Euskal Herriko hiriburuan. Dobletea genuen asteburu honetan Iruñean eta oso gustura aritu gara bai Arrosadian zein Alde Zaharrean.
Eskerrik asko lehenik eta behin beraien etxeak eskaini dizkiguten lagunei (Erlea eta Motxilo) eta bigarrenez beraien musika tresnak utzi dizkiguten El Trono de Judas eta Vendetta taldeei ere.
Zorionak Arrosadiako jai batzordeari, oztopo guztien gainetik, sudur gorriak jantzi eta egitarau ederraz jai-gunea alaitasunez eta festaz betetzea lortu dutelako.
Bestalde, zorionak ere Nafarroa 1512-2012 bizirik! elkarteari Barcinak jarritako oztopo guztien gainetik eta eguraldi kaxkarraren gainetik jaialdi ederra aurrera ateratzea lortu zutelako. Eskerrak Kakori egindako lanagatik ta gurekin kontatzeagatik...bueltatuko gara!!!
Bukatzeko, argazkian ikusten duzuena, Iruñeako Herriko Tabernako dendatxoa da, beraz, gure disko berria eskuratu nahi duzuenok bertan egin dezakezue edota 1512-2012 bizirik! elkartearen dendan.

SIROKA meets IRUÑEA!

2011-06-03T12:39:00.005+02:00

Asteburu luzea izango da honako hau!
Gaur Iruñeako ARROSADIA auzoan arituko gara VENDETTA taldearekin batera bertako jai batzordeak antolatutako egitarauaren barnean.
Arrosadiako jai batzordeak udalaren oztopo eta azpijokoen gainetik, jai giroa nagusi izango dela azpimarratu du gaur GARA egunkarian.

Bestalde, asteburu honetan Nafarroa 1512-2012 elkarteak argitaratu berri duen diskoaren zuzeneko aurkezpen jaialdia burutuko da igandean. Sirokatarrok gure lehen diskako "Nafarroa" kantua sartu dugu disko horretan eta S KATU, IPARFOLK, EL TRONO DE JUDAS eta LOS ZOPILOTES TXIRRIAUS taldeekin batera, kontzertua eskainiko dugu Alde Zaharrean eguerdiko 14.00etatik aurrera.

Hiriburuan ikusiko dugu elkar!!!

Zuri Begira!

2011-06-01T13:50:00.004+02:00

Tiki Lou Produkzions-en eskutik, "Zuri Begira" kantuaren bideo polit bat!
Thanks Peloto!!!

ASTELEHENA!!!

2011-05-30T09:55:00.003+02:00

Kaixo lagunok!!!
Asteburu luzea izan da. Inposatutako mugara joan ginen zapatuan Euskal Preso Politikoei gure elkartasuna adieraztera. Iruneko Landetxa auzoan antolatu zen Elkartasun Gauean parte hartu genuen. Gurekin batera, iragarri genuen bezala Governors, Txapelpunk eta Rat-Zinger aritu ziren. Ondoren Bad Sound Systemeko lagunek jarri zioten amaiera jaialdiari. Giro polita eta antolakuntza oso ona. Eskerrik asko Iruneko solidarioei!
Bihotzetatik zintzilik daramatzagulako...euskal presoak, ETXERA!

SIROKA PRENTSAN!

2011-05-25T13:50:00.006+02:00

Kaixo!!!
KAROSI, gure disko-liburu berria kaleratu genuenetik zenbait elkarrizketa egin dizkigute bai prentsa idatzian baita zenbait irratietan ere.
Irakurtzeko eta entzuteko aukera duzue jadanik gure Siroka Prentsan atalean.

Eskerrik asko gure partez elkarrizketatu edota diska berriaz hitzegin duten guztiei.

Larunbatean IRUNEN!!!

2011-05-24T00:33:00.002+02:00

JOSU SOS Jaialdian Josu eta bere senide eta lagunei gure elkartasuna adierazi ondoren, orain, elkartasunak etenik ez duelako, Irunen ospatuko den ELKARTASUN GAUA 2011an parte hartuko dugu.
Gurekin batera GOVERNORS, TXAPELPUNK, RAT-ZINGER eta bukatzeko, gure ostean, SELEKTAH STEPI!!!

Sarrera 8/10 eurotan dago eta festibala Larunbat honetan maiatzak 28, Iruneko Landetxako Frontoian izango da, 21.30etatik aurrera!!!

Anima zaitezte!!! BIHOTZETATIK ZINTZILIK DARAMATZAGULA ADIERAZ DEZAGUN!!!

Aupa Josu!

2011-05-18T09:19:00.003+02:00

Larunbata honetan ( Maiatzaren 21ean), Arrigorriagako polikiroldegian Josuren aldeko jaialdi erraldoia egongo da eta gu bertan egongo gara! Informazio gehiago HEMEN.
Animatu ta parte hartu!

GAUR...

2011-05-14T11:08:00.005+02:00

ZUZENEKO AURKEZPEN KONTZERTUA GETXON eta PABLO CABEZAk GARA egunkarian egindako ELKARRIZKETA!!!

Gaur ematen diogu hasiera KAROSI TOUR 2011 birari. Obrint Pas eta Oihartzuna taldeekin arituko gara taula gainean 22:00etatik aurrera Getxoko Andra Mari auzoko San Isidro jaietan.

Beraz, badakizue, gure ikuskizun berriaz eta kantu berrietaz gozatu nahi baduzue etzazue galdu aukera paregabe eta berezi hau.

Gaur, larunbateko GARA egunkarian ere, PABLO CABEZA kazetari musikal adituak egindako elkarrizketa irakur dezakezue bai internet bidezko Paperezko Edizioan atalean edota zuzenean zuen herriko ta auzoko kioskoan egunkaria erosita.

Internet bidez irakurtzeko egin klik HEMEN.

SIROKA GAZTEZULON

2011-05-14T10:57:00.004+02:00

Kaixo!

KAROSI diska berriaren promozio lanak aurrera darrai! Aste honetan GAZTEZULO aldizkariaren web orrian hurrengo alean agertuko den elkarrizketaren aurrerapen bat argitaratu dute.
Irakurri nahi baduzue egin klik HEMEN.

Siroka UKberrin.

2011-05-10T23:39:00.002+02:00

Gaur Gatazka Gunean eman dugun prentsaurrekoko argazki pare bat. Hona HEMEN
UKberrikoek egindako artikulua

HELDU DA KAROSI!!!

2011-05-10T17:40:00.007+02:00

Kaixo lagunok!!! Heldu da behingoz KAROSI publikoaurrean aurkezteko momentua. Hilabeteetako lan nekagarriaren ondoren, milaka buruhauste, estres eta sorabioren ondoren...azkenik heldu da Maiatzaren 10a.
Azkenik heldu zaigu gogo handiz espero genuen hura: KAROSI.
Eta, nor da Karosi? Karosi bidean egin dugun lagun berri bat da. Mundu zoro honetan milaka galdera dituen haurra. Zorionez, bere amona Rosikak erantzungo dizkio den denak, bizitza den bide luze horretan, bere lehentasunak aukeratzen joan dadin...eta bide horretan musikaz lagunduko diogu guk, behar duen erritmoa jarriz.
Orain zuei tokatzen zaizue ere Karosi gertutik ezagutzea, beraz gure diska-liburu berria nahi baldin baduzue HEMEN duzue erosteo aukera. Bestela, gure kontzertuetan eta Gatazka Gunean edota Eztabaida Gune antiautoritarioan erosteko aukera ere izango duzue.

Gure hurrengo bideoklipean agertu nahi???

2011-04-12T16:18:00.004+02:00

Kaixo!!!
Diskaren nahasketa bukatuta, diseinuari azken ukituak ematen eta maiatzerako diska berria esku artean izateko aukera izango duzue. Laster aurrerapen kantu bat entuzteko aukera izango duzue, lasai!!!
Bitartean bigarren erronka bati egin nahi diogu aurre. Bideokliparen grabaketari.
Maiatzaren 7an grabatu nahi dugu eta gustatuko litzaiguke zuek, gure harreman sarearen beste aldean zaudeten hoiek, bideo berri honetan agertzea.
Ugaon grabatuko dugu goizaldetik hasita arratsalde parterarte. Bazkaria gure kontu!!!
Beraz, animatzen bazarete, eman ezazue izena eta kontaktu modua mail bidez (sirokataldea@gmail.com) edota facebookera mezu bat bidaliz.
Asko eskertuko dugu zuen partehartzea!
Eskerrik asko aldez aurretik!!!

Herrialde Berdea

2011-04-07T07:40:00.003+02:00

ELTZEGORren jatorrizko bertsioaren moldaketa egin dute KEATS taldekoek "Herrialde Berdea" dokumentalerako. Pepo, Alex eta Aitziber berriz elkartu eta kantu eder hau grabatu dute, bideo eta guzti!!! Ikusten duzuenez, geldi gaudela ematen duen arren, diska berriaren grabaketa eta nahasketa, diseinuak, hurrengo birarako zuzenekoak prestatzen, kontzertuak lotzen...egoteaz aparte, gure proiektu paraleloetan ere lanean jarraitzen dugu. Laster berri gehiago izango dituzue...orain, bideoaz gozatu!

Datorren astean...

2011-03-30T22:20:00.002+02:00

Grabaketa bukatu, masterra eskuratu eta orain diseinuari dagokion atalean burubelarri gabiltza. Datoren astetik aurrera informazio gehiago eskuratzeko aukera izango duzue, beraz adi egon zaitezte atari honetako informazioari.
Bitartean, asteburu honetan Gorkaren beste taldearen, ZeinDaZein? taldearen kontzertuaz gozatu ahal izango duzue Amurrioko Gazte Asanbladaren 4. urtemugan.
Datorren asterarte!!!

Siroka Tio Peten (by Peloto)

2011-03-18T09:37:00.003+01:00

Tiki Lou produktionsen eskutik, azkeneko egunetan egiten egon garenaren laburpentxoa...

Ahotsa...

2011-03-17T07:30:00.004+01:00

Falta ziren ahotsak grabatzen ibili zen atzoko arratsaldean Maria.

Grabaketarekin bukatu dugula esan daiteke. Larunbatean diskaren nahasketari ekingo diogu eguerditik aurrera.

Bitartean, ostiral honetan, Mariaren beste proiektuaz gozatzeko aukera duzue. Bihar, Leioako Kurkudi tabernan, 21.30etatik aurrera HUTSA bikote akustikoaren emanaldiaz gozatu dezakezue. Musika lasaia zuen belarriei oparitzeko.

Aurrera egiten...

2011-03-15T23:39:00.003+01:00

Azkeneko gitarrak grabatu ditu gaur Ekaitzek. Aurkeztu diren zenbait oztopo (ejem!) gainditu ondoren, gitarrak grabatutzat eman ditugu. Ondorioz, anplifikadore eta gitarra bat ospitalean...

Mariaren ahotsa grabatzeko txiringito itzela montatu du Karlosek grabaketa gela nagusian. Ohialak, koltxoia, mikroa, atrila, letrak...eta REC! Hori bai, zigortuta, hormari begira.
Lau kantu grabatuta geratu direla dirudi. Bihar falta direnak grabatuko ditu arratsaldean eta gauerako argazki berriak izango ditugu hemen!!!
Bihar arte!

SIROgrabaKetA!!!

2011-03-14T12:37:00.003+01:00

Karlos Zubiagaren gidaritzapean gure hurrengo diska izango denaren grabaketari ekin genion ostiralean. Gaur, astelehena, etenalditxoa egingo dugu eta bihar gitarrak grabatzeari ekingo diogu.
Asteburu oso luzea izan da. Orain arte bateria eta baxua grabatu dugu eta espero baino azkarrago gabiz aurrera egiten. Aurreko diskoa baino landuago eraman dugun arren, Karlosen profesionaltasunak ere, oso lagungarria izaten ari da, eta espero baino lehenago bukatuko dugula dirudi.
Bestalde zenbait lagun pasatu dira estudiotik asteburu honetan: Ciro eta Alberto, Helena, Egoitz...eta argazki polit hauek atera dituen Peloto.
ESKERRIK ASKO!!!

Siroka meets Tio Pete!!!

2011-03-12T18:57:00.003+01:00

Kaixo lagunok!!!
Grabaketarekin hasi gara gaur. Atzo arratsalde osoa bateria afinatzen eta montatzen egon ondoren, gaur, goizeko 10etan lanari ekin diogu. Gure bigarren lana izango denaren 9 kantuak Urdulizko Tio Pete estudioan grabatzen gabiltza, Karlos Zubiagaren gidaritzapean. Hurrengo egunetan informazio, argazki eta bideoren batez ere gozatzeko aukera izango duzue. Adi egon!!!

Sucran!

2011-03-03T10:43:00.006+01:00

Urtero lez Sahara errepublika Arabiar Demokratikoaren urteurrena ospatzen da Otsailaren 27an.
Aurten, MusikHerria kolektiboak eta Yalah! elkarteak elkarrekin antolatutako jaialdi bat burutu da otsailaren 25ean Bilboko Bilborrock aretoan.
Bertan Norte Apatxe, Mix6t, Jonu Kantautorea, 121 Krew eta Siroka taldeak aritu gara, "Bi herri, irrintzi bat" cdaren zuzeneko aurkezpena egiten.
Hemen behean Mariak eta Ekaitzek eskeinitako akustikoaren puxka bat:

Hurrengo egunean, otsailaren 26an, urteurrenarekin jarraituz, Etxebarriko sahararen aldeko elkarteak antolatutako jaialdian ere parte hartu zuten. Hone hemen Ekaitzek eta Mariak antolatzaileekin egindako argazkia:

REC

2011-02-25T00:55:00.003+01:00

Etenalditxo bat egingo dugu gure kontzertuetan gure bigarren diska grabatzeko eta zuzeneko berriak prestatzeko!
Gure grabaketaren irudiak, bizipenak,...zuekin konpartitu nahi ditugu, beraz, adi egon gure weborriari!!!

Laister arte eta eskerrik asko Siroka posible egiten duzuen guztioi!!!

Info7. Bost urte.

2011-02-17T11:13:00.006+01:00

Gogoratu asteburu honetan, larunbatean, Info7 irratiaren jaialdian arituko garela.
Hona hemen Info7koek 5 urteurrenaren harira prestatu duten bideotxoa:

BOST URTE, hamaika notizi...INFO7!!!

2011-02-09T23:21:00.010+01:00

35. kontzertua bira honetako azkenekoa izango da. Gure hurrengo diskaren prestaketa lanetan gabiltza azken hilabeteetan eta estudiora joan baino lehen, azkeneko hilabete hau lokalean kantuei azken ikutuak emateko erabiliko dugu.

Datorren larunbatean, otsailak 19, Info7ren 5. urteurrenaren jaialdian arituko gara Hernanin. Arratsalde osoan zehar giro ederraz gozatzeko aukera izango dugu.
19,30etatik aurrera Zaparrada batukada taldeak emango dio hasiera jaiari graffitilariekin batera.
Ondoren Euskal Rap eskenaren talde ezberdinak arituko dira. Besteak beste, MAK, Indarrap, Norte Apatxe, Goienetxe Anaiak eta 100% gourmet.
eta 23.00etatik aurrera...KONTZERTUA!!!
Afu eta Sparteens taldeekin batera arituko gara eta bertan itxaroten zaituztegu!!!
Gora Info7!!!

Preso bat, hamaika liburu!!!

2011-02-01T15:24:00.003+01:00

Zorionak Eztabaida!!! Zorionak larunbatean Txorimalo gaztetxean bildu zenuten jende guztiagatik. Zorionak gerturatu zen jende guztiari, berriz ere elkartasuna adierazterako orduan ez duzuelako arazorik izan. 250 pertsona inguru bildu ginen Algortako preso bakoitzari liburu bat bidaltzeko dirua lortu nahian, eta azkenean Uribe Kostako preso denei liburu bana bidaltzeko nahikoa ere bildu zen.
Gure partez, biziarazi egin gintuzuen momentu hunkigarriagatik eskerrak eman nahi dizkizuegu. "Bihotzetatik Zintzilik" kantuaren estribiloan argindarra joan zenean zuek denon ahotsa kantua abesten entzuteak ileak laztu zizkigun.
Hurrengorarte!!!

Preso bat, Liburu bat!!!

2011-01-22T12:48:00.004+01:00

Urtarrilaren 29an, urtarrileko aldapari bukaera emateko, behin beherapenak nabaritu ere ez ditugula egin zentimorik ez daroagulako poltsikoetan eta errege magoak existitzen ez direla badakigulako...

ELKARTASUNAK EZ DU ETENIK!!!

Eztabaida gune antiautoritarioak antolatuta, urtarrilaren 29an, Bihotzetatik zintzilik daramatzagula gogoratuko diegu berriz...Etxean nahi ditugu, baina bitartean, une batzuetaz liburuetan barrena imaginatu ezinezko lekuetara hegaz egin dezatela nahi dugu...

Beraz, badakizue, lor dezagun Getxoko preso bakoitzarentzat liburu bat.

Urtarrilaren 29an, Algortako Gaztetxean,

18.00retan Algortako Amnistiaren aldeko mugimenduaren eskutik Hitzaldia: EPPKren historia eta herriko presoen egoera.

20.30etan KONTZERTUA!!!

SIROKA + ERASOKA

Etor zaitezte!!!

Kuña:

Siroka Elorrixoko Gaztetxian!!!

2011-01-10T12:44:00.003+01:00

Atzo Elorrixoko Gaztetxean geneukan hitzordua. Zein da Zein? eta Txaboleroak taldekoekin aritu ginen eskenatoki gainean. Gaztetxe ederra, ekipo txukuna eta gainera teknikari lanetan Beñat Barrondoren laguntza izan genuen.
Gurekin batera ere Laura Txifu etorri zen eta argazki batzuk atera zizkigun.

Gainera, diskaren aurregrabaketarekin jarraituz, Eka eta Pepo igande goiza erabili zuten baxua grabatzen bukatzeko. Siroka Rules!

Bihotzez eta kantuz...urrats bat gehiago.

2011-01-10T10:18:00.007+01:00

Pasa den larunbatean Bilbon Preso Politikoen eskubideen alde burututako manifestaldira batu ginen Sirokatarrak ere. Gainera Mariak eta Xabi Solanok Bihotzetatik Zintzilik eta Bozgorailuetatik kantuak abestu zituzten elkarrekin.
Hona hemen emanalditxoaren bideoa:

Diska berria prestatzen!!!

2010-12-29T13:51:00.004+01:00

Gure hurrengo diska izango denaren aurregrabaketa bat egiten gaude egun hauetan. Barry Walsh teknikari irlandarrarekin Zeberioko herrian duen estudioan grabatzen gabiltza. Bateria, baxua, gitarra...soilik ahotsa falta zaigu!

Aupa Erromo!!!

2010-11-28T23:41:00.002+01:00

Zorionak Erromo!
Zorionak euskal preso politikoei sostengua ematera gerturatu zineten guztiei!
Zorionak Izargi eta Jaik taldeko lagunei ere, hiru taldeon artean kristolako giro polita sortu genuelako. Kadenetak, gerri mugimenduak, buru astinduak...presoen aldeko olatua tsunami bilakatu genuelako larunbatean!
Elkartasuna delitua ez delako dozenaka pertsona bildu ginen larunbatean Erromon, bihotzetatik zintzilik ditugulako, elkartasuna adieraztera eta berriz ere ozen ohiukatzera:
EUSKAL PRESOAK ETXERA!!!

Elkartasun Eguna Itzubaltzetan!

2010-11-22T12:52:00.003+01:00

Asteburu honetarako badugu plana!!!
Elkartasunak ez duelako etenik, bihotzetatik zintzilik daramatzagulako...Azaroare 27an Erromon...
ELKARASUN EGUNA!!!

12:30 Trikipoteoa, Branka herriko tabernatik abiatuta.
15:00 Indaba-jana, Itzubaltzeta gaztetxean.
18:00 Kalejira, Kolas plazatik abiatuta.
19:00 Kontzertuak, Itzubaltzeta gaztetxean:
SIROKA
IZARGI (erromeria)
DJ kurloi ezkertiarraren esnea.

Txartelak, ohiko lekuetan:
- Bazkaria: 8 euro.
- Kontzertua: 5 euro.
- Biak: 12 euro.

ANIMA ZAITEZTE!!!

AKEITAren lehen kontzertua!

2010-11-19T23:58:00.002+01:00

Kaixo Sirokatarrak!!!
Igande honetan Mariak, taldeko abeslariak, bere proiektu paralelo berria aurkezten du zuzenean. Ez pentsa utziko gaituen e...(hori espero dugu behintzat), baina berriz ere doinu lasaiekin jolasteko gogoak etorri zaizkio.
Orain, Eriz Perez (Amaiur, Krasis) gitarran lagun duela, giro lasaian eta kafe goxoaz gozatzeko, gustoko dituzten taldeen bertsioak eta aurreko taldeekin konposatutako batzuk ere jorratuko dituzte.
Esneagaz edo hutsa, igande honetan Akeita edalontzi batez gozatzeko aukera izango duzue. Arratsaldeko 6retatik aurrera, Ugaoko Jane Jauregian, doan.
Etor zaitezte!!!

SIROKA SUT&BLAI SAIOAN!!!

2010-11-18T21:14:00.001+01:00

Hona hemen Sut&blai saiorako aste honetan etb3 eta etb1en atera den elkarrizketa:

ZORIONAK GUZUR ARETXA!!!

2010-11-11T20:17:00.003+01:00

Galdakaoko GUZUR ARETXA elkarte kulturalak 25 urte betetzen ditu aste honetan eta horretarako aste osoan zehar ekintza ezberdinak burutuko dituzte.
Bihar besteak beste poteoa egongo da Oxabi taldearen eskutik eta ondoren karaokea egingo dute.
Blog bat ere sortu dute urteurrena zabaltzeko.

Aste osoan zehar burutuko diren ekintza ezberdinen artean, larunbatean kontzertu potente batetaz gozatu ahal izango duzue!!! Bertan SIROKA ezezik, Doctor Deseo, Soziedad Alkoholika, Lorebeltz, Esne Beltza eta Powerages taldeak arituko dira. Eros ezazu zure sarrera eta etor zaitez!!!

Musika Taldeen loturak:
http://www.myspace.com/lorebeltz
http://www.myspace.com/sirokataldea
http://www.myspace.com/powerages
http://www.myspace.com/doctordeseo
http://www.myspace.com/soziedadalkoholika
http://www.myspace.com/esnebeltza

Siroka Sut&Blai saioan!

2010-11-10T13:49:00.008+01:00

Atzo EiTBren Bilboko egoitzan izan ginen Sirokatarrak (Pepok ezin izan zuen etorri...krikri) Nerea Alias aurkezleak gidatzen duen Sut&Blai saioan elkarrizketa bat egiten. Txirrindularitza, Olio begetala eta Siroka izan ziren saioaren gai nagusiak eta ETB3n ikusteko aukera izango duzue datorren asteazkenean gaueko 22.00etan eta ETB1en datorrenlarunbatean goizeko 11.00etan.

Sortzen...

2010-10-29T21:57:00.003+02:00

Abesti berriekin gabiltza, letra berriak oparitu dizkigute eta doinu berriak eta azkarragoak agertu dira entsegu lokalean. Abiadura igo diogu metronomoari eta pixkanaka Siroka estiloa definitzen gabiltza. Gustatuko litzaiguken arren, aurten ez dugu gure diska Durangoko Azokan aurkezteko denbora izango, bigarren diska honetan denbora gehiago dedikatu nahi diogu abestiak sortzeko prozesuari eta lasaiago joan nahi dugu grabaketa estudiora, gauzak hobetu prestatuak eraman nahi ditugu eta.
Beno, besterik gabe, laister gure berri gehiago izango dituzue...hurrengo kontzertua heltzear da!

Adi egon!!!

Zorionak Askapena!!!

2010-10-19T23:58:00.002+02:00

Lortu duzue!

Hainbat aste pasa dira deitu gintuzuenetik aurtengo Internazionalista Egunean jotzeko. Zuen gonbidapena gustura onartu genuen eta aurrerago hitzegingo genuela geratu ginen.

Bederatzi pertsona bahitu dizkizuete/dizkigute eta inoiz ez dugu jarri kolokan jaia aurrera aterako zenutenik. Itxaso eta Ruben etxera bueltatzea lortu zuten baina beste zazpiak espetxeratuak izan ziren. Jaialdia baino egun pare bat lehenago Uberka ere atxilotu zuten ezarritako mugaren beste aldean. Baina zuentzat ez dago mugarik, eta aurrera egin zenuten jaialdiarekin!

Emaitza: Te goxoa, Internazionalismoaren aldeko aldarria, mojitoa, herrion independentzia aldarrikatzea, falafel, dantza tradizionalak, esposaketak eta nahi bai, baina gurekin han egon ezin zutenak oroitzeko egun ederra!

Sirokatarrokin batera, Zahil, Itziarren Semeak eta musikatresnak utzi zizkiguten Stupenda Jones taldeko jende jatorra (eskerrik asko, berriz ere) aritu ziren. Kontzertu polita eta gertukoa, indarrez betea eta alaia, oztopoak oztopo...

ZORIONAK ASKAPENA!!!

Unai, Walter, Dabid, Gabi, Aritz eta Uberka ETXERA!!!

Elkarrizketa Argia astekarian!

2010-10-14T23:36:00.011+02:00

"Obamari edo Bushi ez diogu zertan kantarik egin;
gurean bada kritika nori zuzendu"

Iker Barandiaranek elkarrizketatxoa egin digu Argia astekarirako. Gure "Haize berriak" diskaren iruzkina egin eta lau galderatxo luzatu zizkigun.
Klikatu HEMEN elkarrizketa irakurri nahi baduzue.

Gogoratu larunbatean Internazionalista Eguna ospatzen dela Gernikan eta bertan izango gaituzue, Stupenda Jones, Zahil eta Itziarren Semeak taldeko lagunekin batera Askapenari gure babesa emanez.

Hemen dituzue Askapenaren prentsaurrekoaren albisteak Gara eta Berria egunkarietan.

Siroka News!!!

2010-10-10T18:41:00.002+02:00

Kaixo lagunok!!!
Azken asteak hurrengo diskan pentsatzen eman ditugu. Abesti berrien konposaketarekin hasi gara jada eta espero dugu hemendik eta gutxira gure bigarren diska kalertu ahal izatea.
Bitartean, berotzeko, estudioan grabatutako abesti berri bat eskeiniko dizuegu Durangoko Azokan kaleratuko den bilduma baterako. Aurrerago emango dizkizuegu xehetasun gehiago.
Guzti hau, zuzeneko emanaldiak ahaztu barik, noski!. Horregatik larunbat honean Gernikan Askapenak antolatutako Internazionalista egunean arituko gara Stupenda Jones, Itziarren Semeak eta Zahil taldeekin batera.
Etor zaitezte!!!

Urnieta, SIROKA gipuzkun rules!!!

2010-10-10T18:21:00.003+02:00

Kontzertu polita Urnietakoa!!! Gure bigarren kontzertua Gipuzkoaldean eta etxean bezala sentitu ginen. Afari ederra, giro polita taldeen eta teknikarien artean, SEI, Skastik, Ze Esatek!...
23.30etan eman genion Sirokatarrok hasiera gaueko festibalari. ZeEsatek!ekoak bateria eta anpliren bat utzi ziguten eta eskertzekoa da, horrela aldaketa gutxiago egin behar izaten direlako eta dena azkarrago doalako.
Hasieran jendea lasai somatu genuen taulagainetik. Baina Mariak pixkanaka anbientea berotzen joan zen, jendea aurrera urbiltzera animatuz. Hortik aurrera lau kideok eman beharreko guztia eman genuen jendea astinduarazteko. Izerdia, dantza, buru astintzeak eta Rock-a.
Gure ondoren Skastik taldekoak dantzan jarri zituzten kuadrila guztiak beraien ska martxosoarekin. Bukatzeko ZeEsatek! jaiarekin jarraitu zuten berandurarte...
Eskerrik asko Urnietako kuadrilei gugan pentsatzearren. Hurrengorarte!!!

Urnietara!!! Siroka Gipuzkuan!!!

2010-09-30T14:17:00.002+02:00

Kaixo lagunok!!! Asteburu honetan beste emanaldi bat daukagu gure agendan apuntauta. Oraingo honetan Urnietako Samielak direla eta Urnietako Gazte Kuadrilak antolauta, asteburu paregabeaz gozatzeko aukera izango du handik pasatzen den edozeinek.
Sirokatarrok ostiralean izango gara Urnietan Skasti eta Ze Esatek! taldeekin batera gaueko 23:00etatik aurrera, beraz, badakizue, parranda on eta kontzertu bikain batetaz gozatu nahi baduzue, Urnietan daukazue hitzordua!!!
Zapaturarte!!!

Aulestiko jaiak. Euria, martxa ta borroka!

2010-09-27T21:44:00.007+02:00

Betagarri eta Esne Beltzarekin batera osatzen genuen Aulestiko Jai Batzordeak pasa den ostiralerako egindako kartela. Pixkat berandu heldu ginen arren denbora soberan izan genuen funamentuzko soinu froga egiteko eta lasai lasai afaltzera joateko. Aulestiko Aterpeko Alexek afari goxo goxoa prestatu zigun, beraz denoi gomendatzen zaituztegu handik pasatzea.
Karteletan jartzen zuen bezala 22.30etan hasi ginen gure emanaldia. Iragarri genuen bezala, gonbidatu bereziak izan genituen gurekin. Jone Uriak zabaldu zuen kontzertua bertso batez.
Hortik aurrera, intentsitatea pixkanaka igotzen joan zen. Endika La Haine 121 krew taldeko lagunak, diskan bezala, zuzeneko batzuetan ere Eskubideen Trafikanteen kontrako gurutzadan lagundu gintuen, behin ta berriz eskubide trafikanteekin bukatzeko prest.
Kontzertua aurrera joan ahala abiadura azkartzen joan zen. Berriz ere Jone eta La Haine igo genituen eskenatokira, eta oraingo honetan MC Maisharen laguntzaz hurbildu ziren gurera.
Presoen aldeko bertso eta errimak, gora Baraka behera Neguri eta Aresen argazkien kontrako gudaz kantuka eman zioten sarrera Bihotzetatik Zintzilik kantuari.
Eta konturatu barik kontzertua bukatzeko unea heldu zitzaigun...Oso gustura!
Eskerrik asko Aulesti!!!

Ostiralean...AULESTI!!!

2010-09-22T20:15:00.003+02:00

Kaixo Sirokakideok!
Asteburu honetan errepideetara eta eskenatokira bueltatzen gara. Oraingo honetan Aulestin eskainiko dugu kontzertua Betagarri eta Esne Beltza taldeekin batera. Ostiralean izango da, Aulestiko plazan 22.30etatik aurrera.
Kontzertu hau berezia izango da gonbidatuak izango ditugulako gurekin taula gainean, beraz etzazue galdu!!!

Post honen bidez ere, barkamenak eskatu nahi dizkiogu Bermeo eta Zaramagako jai batzordeei sortutako eragozpenengatik.

Etenalditxoa...

2010-09-09T22:16:00.002+02:00

Uda bukatu eta ia asteburuero jotzen ibili ondoren, asteburu honetan deskantsua hartuko dugu datorren asteburuan ditugun kontzertuetan maila altuena eskeintzeko asmoz. Gure herri eta auzoetako jaietara gonbidatzen zaituztegu. Leioako Udondo auzoko jaiak dira asteburu honetan.
Ugaon ere jaiak dira eta ostiralean gure kide diren 121 krew taldekoak arituko dira Bad Sound Systemekin batera eta larunbatean Itziarren Semeak eta Bilbomatiks taldeko lagunak arituko dira txosnetako taula gainean. Anima zaitezte...ta handik ikusiko dugu elkar!!!

SIROKAMISETAK!!!

2010-09-03T20:10:00.005+02:00

Badaude!!! Heldu dira!!!
SIROKAMISETAK!!!
8 euroren truke kamiseta polit polit bat eskuratu dezakezue.
Info gehiago nahi izan ezkero jo gure web orriko DENDA atalera!

...eta laister material gehiago!!!

Maria gaixo!

2010-09-03T02:02:00.004+02:00

Asteazkenean Plentzian eman behar genuen kontzertua bertan behera utzi behar izan genuen, taldeko abeslaria den Maria gaixo jarri zelako.

Barkamenak eskatu nahi dizkizuegu Plentziara gu ikusten hurbildu zineten guztiei eta nola ez, jotzera gonbidatu gintuen Txosna Batzordeari. Jakin badakigu Umore Txarrez eta Zein Da Zein? taldeek guk utzitako lekua ondo beteko zutela eta IzenikEz soinukoak ongi baino hobeto egingo zutela sonorizazioa.

Orain, egun batzuk lasai egongo gara, Maria sendatu dadin, eta bi aste barru berriz izango gaituzue eskenatokietan!

Animo Maria!

Erandiotik Plentziara...Siroka bidean.

2010-08-30T10:23:00.002+02:00

Aste gogorra izan da Bilboko Aste Nagusiarena. Lau kontzertu, juergaren bat, lana,...baina badirudi bizirik atera garela honetatik ere. Larunbatean Esne Beltzakoekin aritu ginen Erandioko Jaietako Gazte Egunean. Gustora geratu ginen emandako kontzertuaz. "Bihotzetatik Zintzilik" kantua abesten lagundu zigun Xabi Solanok eta berarekin batera presoen aldeko hiru solidario atera ziren eskenatokira.
Aste honetan Sirokaren birak aurrera darrai, eta asteazkenean Plentziako San Antolin jaietan arituko gara Zein da Zein? eta Umore Txarrez taldeekin batera. Kontzertua txosnagunean izango da gaueko 23.00etatik aurrera, beraz badakizue, hurrengo egunean lanik egin behar ez baduzue, bertan espero zaituztegu!!!

P.d. Portzierto, gure kontzertuetako argazkiak baldin badituzue bidalizkiguzue sirokataldea@gmail.com helbidera eta pixkanaka webgune honetara argazki danak igotzen joango gara.
Ondo izan!

Badator asteburu berri bat!!!

2010-08-27T01:07:00.003+02:00

Asteartean The Lasai eta Nobel Schrott taldeekin batera kontzertu polita eskaini ondoren eta asteazkenean Bilboko Konpartsen kolektiboak deitutako plantoarekin bat egin ondoren, gaur kontzertu baten berri ematera gatorkizue.
Larunbat honetan, Erandioko jaietan antolatutako Gazte Egunaren barruan, Zaparrada Batukada taldeak kalejira egin ondoren, gaueko 12etatik aurrera kontzertua eskainiko dugu Sirokatarrak Esne Beltzarekin batera.
Utz itzazue Bilboko jaiak alde batera egun batez nahikoa denbora eman duzue bertan eta, eta anima zaitezte Eranion gau berezi bat gurekin batera igarotzera! Bertan itxaroten zaituztegu!!!

Sirokak ere, Azkunari planto!!!

2010-08-26T10:56:00.002+02:00

«Kolorea desagertu da egun batez, aste osoan desager ez dadin». Horrela despeditu dira konpartsakideak udaletxearen aurrean zalaketa antzerki bat egin ondoren. Antzerkiaren bidez, larunbatean txupina baino lehen Arriagaren barruan jazotakoa salatu nahi izan dute: presioak eta miaketak, Txori Barroteko konpartsakide bat antzokiaren balkoira atera ez zedin. «Arrazoiak bagenituen gaur plantoa egiteko, baina txupinean gertatutakoak beste bat gehitu du», adierazi du Aixe-Berri konpartsako ordezkari batek; «Zapatuan bizitakoak argi utzi digu udalak beste urrats bat egin nahi duela: konpartsok txupinean parte har ez dezagun saiatu. Baina kontuz: txupina herriarena da, jaia herriarena da».
Prentsaurrekoa egin dute ondoren eta «Gaur ez da jai eguna», gogoratuz heldu da hitzaldiaren amaiera: «Egun koloretsua izan behar zen, baina kolorea galduko du». Ondoren, konpartsen elastiko alaiak erantzi dituzte udaletxeko eskaileratan dauden ehunka konpartsakideek, eta dolua utzi dute soinean: Aste Nagusia defendatuz lelodun elastiko beltza. Txaloka hasi dira guztiak.
Guk gure partez web orria beltzez jantzi genuen ere, Bilboko Konpartsei gure elkartasuna adieraziz. Aurrera Jai Herrikoiak!!!

...eta gaur Deustuan!!!

2010-08-24T12:43:00.003+02:00

Eskerrik asko atzo KulturGunera hurbildu zineten guztiei. Primeran pasatu genuen eta pozik geratu ginen lortutako emaitzarekin.
Gogoratu gaur berriz ere Siroka taldeaz gozatu nahi baduzue Deustuako Gazte Lokalean arituko garela NOBEL schrott eta The Lasai taldeekin batera. Badakigu Aste Nagusia izanda gogorra izan daitekela txosnagunetik ateratzea, baina 20:00retan hasiko gara jotzen, beraz etorri, gozatu eta denbora izango duzue txosnagunera bueltatzeko!
Gero arte!!!

Siroka meets Marijaia.

2010-08-23T13:46:00.004+02:00

Gora Marijaia! Gora Bilboko Konpartsak!!!
Gaur Sirokatarrak Bilboko Aste Nagusian arituko gara The Real Mckenzies taldearekin batera. Eskoziar sustraidun talde Kanadiar honek Sex Pistols eta Eskoziar musika tradizionalaren arteko nahasketa batekin animatuko digute gaua. Guk gure partez gaueko 23.30etatik aurrera gure errepertorio xumearekin zuen belarriak alaitzeko asmoaz taularatuko gara.
Bertan espero zaituztegu!!!

Aste Nagusia eta gehiago!!!

2010-08-21T17:32:00.003+02:00

ONGI ETORRI MARI JAIA!!!
Heldu dira Bilboko jaiak eta garai hauek beti izaten dira bereziak Bilbo inguruko musikariontzat. Guk be, astelehenean Bilboko Arenaleko Kultur Gunean arituko gara 12etatik aurrera The Real McKenzies taldearekin. Hori bai, Igande honetan, Aste Nagusiko kontzertua baino egun bat lehenago Ibarrako gaztetxean arituko gara Zein Da Zein? taldeko lagunekin.
Ikusten duzuenez aste gogorra izango da. Kontzertua igandean, astelehenean...eta asteartean!!! Asteartean ere Deustuako Gaztetxean eskeiniko dugu emanaldia NOBEL schrott eta The Lasai taldeekin.
Badakizue, lehenengo lerroetan ikusi nahi zaituztegu eta aukera anitz badituzue, beraz ez duzue aitxakiarik!!!

Brankan, Pollo Rock!

2010-08-10T10:49:00.006+02:00

Borroka da bide bakarra!! Elkartasunak ez du etenik!!! pintadaren aurrean jo genuen Erromon, gure musikaren mezu eta izaerarekin bat egiten duten leloen aurrean. Pollo Rock, faxismoaren aurkako festibala antolatu zuten Branka tabernakoek, eta bertan izan ginen xirimiriari aurre egiten. Zorionez, jotzen hasi bezain pronto euriak eten zuen eta gustora aritu ahal izan ginen gure abestiak abesten zituen entzulegoaren aurrean.
Oilaskoa erre genuen, faxismoa erre genuen! Zorionak Branka! Erasorik ez erantzunik gabe!

Bihar, Pollo Rock!!!

2010-08-03T16:42:00.004+02:00

Kaixo Sirokatarrak!!! Bihar abuztuak 4, Erromoko jaiei hasiera emateko kontzertua eskeiniko dugu. Branka tabernak, orain dela astebete Falangerengandik jasandako eraso faxista zalatzeko, "Pollo Rock, Oilaskoa erre, Faxismoa erre" izenburupean burutuko diren kontzertuetan parte hartuko dugu. Branka tabernaren kanpokaldean izango da kontzertua 23:00etatik aurrera. Beraz, bertan espero zaituztegu!

Berangotxu Rock!

2010-07-25T16:11:00.007+02:00

Asteburu honetan hitzordu berri bat geneukan Sirokatarrak Berangon. Huts ezin egin eta berangoztarrek presoen alde antolatutako jaialdian izan ginen larunbatean. Gurekin batera Kruders eta Iheskide taldeko lagunak igo ziren eskenatokira ere.
Arratsaldeko 18.30ak inguru heldu ginen Berangoko Santa Ana auzora. Plaza umez gainezka zegoen. Eskulanak, jolasak, hankapaluak,...giro ederra. Bitartean, txosnan taloen masa prestatzen zebiltzaten eta airean nabari zitekeen txorizoaren usain goxoa.
Gu izan ginen soinu froga egin zuen talde bakarra eta froga eta gero herri kirolak hasi ziren. Taldeak antolatu eta norgehiagoka hasi zen. Lokotsak, Txingak, sokatira, gurdia, ingudea, trontzak,...
Ia hamarretan eman genion hasiera gure kontzertuari. Iluntzen hasia zen eta jendeari oraindik lotsa ematen zion eskenatokira urbiltzeak. Gure errepertorioaren bukaerara heldu eta preso, iheslari eta errefuxiatuak izan zituzten gogoan ekitaldi xume eta polit batean. Honen bukaeran berriz igo ginen taulara "Bihotzetatik Zintzilik" kantuaz ekitaldiari amaiera ematera.
Berangon nahi zaituztete, etxean nahi zaituztegu!!!

ELKARTASUN BRIGADAK!!!

2010-07-15T16:47:00.005+02:00

Zure herrian, zure auzoan, zure ikastetxean, zure lantokian...
Bihotzetatik zintzilik daramatzagulako, antolatu itzazu
euskal preso politikoen aldeko ELKARTASUN BRIGADAK!!!

Bihotzetatik Zintzilik kantuarekin osatutako bideoa.
Osatu zuk ere zurea eta bidaliguzu!!!

EHZ Jaialditik bueltan!

2010-07-06T23:07:00.005+02:00

Herri bat zuzenean!
Hamarnaka talde, furgoneta, izerdia, ekaitza, negarrak, ilusioak, errepidea, nekea, kanping dendak, kale animazioa, sarrera paseak, antzerkiak, ur hotza, karpa, itsasoa, kajoia, dantza, Anger, kitarra, antolakuntza, Peio, Mattin eta beste presoak, Info7, Zein da Zein?, milaka musikazale eta kulturzale, herri bat, EUSKAL HERRIA ZUZENEAN!!!

Argazkiak by Peloto

Zorionak Maria!!!

2010-06-26T11:41:00.007+02:00

Maria Lazkano, gure lehen diskan "Eskubideen Trafikanteak" kantuan kolaboratu zuen gazte balmasedatarrak bigarren aldiz Haur Kantari Txapelketako txapela jantzi du, berriro ere Apurka taldearen bertsio bat abestuz. Oraingo honetan "Bizitzaren liburua" kantuarekin. Hona hemen bideoa:

2010-06-23T12:34:00.010+02:00

BIHOTZETATIK ZINTZILIK ABESTIA! HELDU DA!!!
EUSKAL HERRIA BIHOTZETATIK ZINTZILIK!!!
SIROKA TALDEA + INÉS OSINAGA + XABI SOLANO + ENDIKA ABELLA (121 KREW) + GORKA CHAMORRO (ZEIN DA ZEIN?) + ARITZ MENDIETA! GOZATU!!!

Deskargatu nahi baduzu klikatu HEMEN edota blog honetako DESKARGA eremuan.
Soilik entzun nahi baduzu hemen beheko erreproduktorea erabil ezazu.

Badugu kantua!!!

2010-06-22T23:04:00.002+02:00

Andoainetik bueltatu gara arratsalde erdia Martxel Arkarazorekin pasa ondoren. Besapean cd bat, Alaia Martinek botatako bertsoarekin eta bigarren pista bat, "Bihotzetatik zintzilik", hainbeste buruhauste sortu dizkigun kantuarekin. Bihartik aurrera blog honetan izango duzu entzuteko eta deskargatzeko aukera! Adi egon!

Nahasketa eguna...

2010-06-22T09:37:00.002+02:00

Gaur bazkalostean Andoaingo Garate estudioan agertuko gara berriz. Abestiaren nahasketa entzun eta gure azken ukituak emateko. Laster sarean eskuragarri izango duzue zuen herrietan, txosnetan, tabernetan,...jartzeko.
Horma batean argazki bat zintzilik baino gehiago direlako, bihotzetatik zintzilik daramatzagulako...

zzzzzzzz

2010-06-21T15:43:00.003+02:00

Abestia lotan dagoen bitartean blog honek 3000 bisitalditik gora izan ditu jada. 300 bisitatik gora soilik asteburu honetan "bihotzetatik zintzilik" kantuaren grabaketaren jarraipena ikusteko...Milesker sarean jarraitzen gaituzuen guztiei!!!
Bihar grabatutakoaren nahasketa egitera goaz Garatera. Informatuta izango zaituztegu!!!
Adi egon seinaleari!

Grabazioa bukatu dugu!!!

2010-06-20T20:01:00.002+02:00

Igande arratsaldeko 8ak dira eta grabazioa bukatu dugula esan dezakegu. Orain bakarrik falta da nahasketak egitea, baina hori asteartean egingo dugu. Eta asteazkenean abestia entzungai edukiko duzue. Nekatuak gaude baina ederra izan da esperientzia. Eskerrik asko Aritz, Ines, Iñaki, Kojo, Alaia, Endika, Rufo, Beñat, Mattin, Peru, Xabi eta Martxel.

Euskal preso politikoen eskubideen alde Bihotzetatik Zintzilik...

Bosgarren kolaboratzailea: Xabi Solano (Esne beltza)

2010-06-20T18:17:00.002+02:00

Gure azkeneko kolaboratzaileak gitarra hartu du eta berotzen hasi da dagoeneko. Atzoko kontzertua eta gero eskertzekoa da gurekin izatea. Badoa grabatzera...

Laugarren kolaboratzailea: Ines Osinaga (Gose)

2010-06-20T18:03:00.002+02:00

Bukatzen ari gara grabazioa eta oraingo honetan Ines Goseren txanda da. Bere ahots goxoarekin eta Mariari bigarren ahotsak egiten xarma berezia eman dio abestiari.

Hirugarren kolaboratzailea: Alaia Martin (bertsolaria)

2010-06-20T17:50:00.003+02:00

Nola ez dugu sartuko bertso bat? Ba bai, bertso bat ekoiztu du Alaia Martinek eta orain grabatzen ari da.

Bigarren kolaboratzailea: Endika Abella (121 Krew)

2010-06-20T17:24:00.004+02:00

Aguraineko Araba euskarazen kontzertua izan eta gero arrapaladan etorri dira Endika eta Rufo (121). Hasi dira entzuten Bilboko itsasadarreko ezkerraldeatik 121 Krew-ko lagunek ekarritako rap doinuak... beti bezala, ederto!